ஐமேக்ஸில் வெளியாகும் கங்குவா?

சிவா இயக்கத்தில் சூர்யா நடிப்பில் உருவாகி வரும் திரைப்படம் 'கங்குவா'. திஷா பதானி, பாபி தியோல், ஜெகபதி பாபு, யோகி பாபு, ரெடின் கிங்ஸ்லி உள்ளிட்டோர் முக்கிய கதாபாத்திரங்களில் நடிக்கின்றனர். யு.வி கிரியேஷன்ஸ் மற்றும் ஸ்டுடியோ கிரீன் நிறுவனங்கள் இணைந்து தயாரிக்கும் இந்த படத்திற்கு தேவிஸ்ரீ பிரசாத் இசையமைக்கிறார்

இதன் படப்பிடிப்பு இதுவரை பல கட்டமாக தாய்லாந்து, சென்னை, கோவா, ராஜமுந்திரி ஆகிய பகுதிகளில் நடைபெற்று வந்தது. தற்போது இதன் இறுதிகட்ட படப்பிடிப்பு சென்னையில் நடைபெற்று வருகிறது. இப்படத்தை 2024 ஏப்ரல் 11ம் தேதி திரைக்கு கொண்டு வர முடிவு செய்துள்ள நிலையில் இப்போது ஐமேக்ஸ் திரையரங்குகளில் கூடுதலாக வெளியிட திட்டமிட்டு வருவதாக கூறப்படுகிறது. ஏற்கனவே தமிழில் பொன்னியின் செல்வன், லியோ உள்ளிட்ட படங்கள் ஐமேக்ஸில் வெளியானது என்பது குறிப்பிடத்தக்கது.