வாடகை மிதிவண்டிகளின் கட்டணம் அதிகரிப்பு!

ஒலிம்பிக் போட்டிகள் இடம்பெறும் காலத்தில் பொது போக்குவரத்துக்களுக்கான கட்டணம் அதிகரிப்புக்கு உள்ளாகிறது. இந்நிலையில், வாடகை மிதிவண்டி சேவைகளின் கட்டணமும் அதிகரிப்புக்கு உள்ளாகிறது. 

பரிசில் வாடகை மிதிவண்டிகள் வழங்குனர்களில் மிக முக்கிய நிறுவனமான 'Lime', தங்களுடைய கட்டணங்களை அதிகரித்துள்ளது. அதன்படி, €0.28 சதங்களாக இருந்த ஒரு நிமிடத்துக்கான கட்டணம், விரைவில் €0.32 சதங்களாக அதிகரிக்கப்பட உள்ளது. 

அதேபோல் மணிநேரங்களுக்கான கட்டணமும், மாதாந்த கட்டணங்களும் அதிகரிக்கப்பட உள்ளது.

அதேவேளை, இந்த ஒலிம்பிக் காலத்தின் போது மேலதிகமாக 5,000 மிதிவண்டிகளை சேவைக்கு கொண்டுவரவும் திட்டமிட்டுள்ளதாகவும் தெரிவிக்கப்பட்டுள்ளது.