11 மணிக்குப் பின்னர் சிறுவர்களுக்கு ஊடரங்கு சட்டத்தை விரும்பும் மக்கள்!

இரவு 11 மணிக்குப் பின்னர் நாட்டில் சிறுவர்கள் வெளியில் செல்வதற்கு தடை கொண்டுவரப்படும் சட்டம் ஒன்றை விரும்புவதாக மக்கள் கருத்து தெரிவித்துள்ளனர்.

18 வயதுக்கு கீழுள்ளவர்கள் இரவு 11 மணிக்குப் பின்னர் வெளியில் நடமாடுவதற்கு தடை விதிக்கப்படவேண்டும் என 67% சதவீதமானவர்கள் கருத்து தெரிவித்துள்ளனர். நாடு முழுவதும் அனைத்து நகரங்களுக்கும் இது கொண்டுவரப்படவேண்டும் என தெரிவித்துள்ளனர்.

CSA எனும் கருத்துக்கணிப்பு நிறுவனம் CNEWS, Europe 1 மற்றும் the Journal du Dimanche ஆகிய ஊடகங்களுக்காக இந்த கருத்துக்கணிப்பை மேற்கொண்டிருந்தது.

அதேவேளை, 33% சதவீதமானவர்கள் ‘ஊடங்கு வேண்டாம்’ எனவும் கருத்து தெரிவித்துள்ளனர். (இவர்களில் பெரும்பாலானோர் 18 தொடக்கம் 24 வயதுக்குட்பட்டவர்கள் என தெரிவிக்கப்படுகிறது)

*இந்த கருத்துக்கணிப்பு ஏப்ரல் 18 மற்றும் 19 ஆம் திகதிகளில் 18 வயதுக்கு மேற்பட்ட 1,011 பேரிடம் தொலைபேசிவழியாக மேற்கொள்ளப்பட்டிருந்தது.