G Pay-வில் தவறாக பணம் அனுப்பினால் மீட்பது எப்படி? எளிய வழிமுறைகள்

ஜி பே-வில் பணம் அனுப்பும் போது, தவறாக வேறு யாருக்காவது பணம் அனுப்பிவிட்டால் கவலைப்பட வேண்டாம். பணத்தை மீட்க சில வழிமுறைகள் உள்ளன.

NPCI புகார் தளத்திற்கு செல்லவும்: https://www.npci.org.in/register-a-complaint என்ற இணையதளத்திற்கு செல்லவும்.

UPI புகார் என்பதை கிளிக் செய்யவும்: வலைத்தளத்தின் முகப்பு பக்கத்தில் "UPI" என்ற பகுதியில் "UPI Complaint" என்ற விருப்பத்தை தேர்ந்தெடுக்கவும்.

பரிவர்த்தனை விவரங்களை உள்ளிடவும்: "Transaction" என்ற பகுதியில், "Select issue type" என்ற விருப்பத்திலிருந்து "Incorrectly transferred to another account" என்பதை தேர்ந்தெடுக்கவும். பின்னர், பரிவர்த்தனை தேதி, தொகை, தவறாக உள்ள UPI ID மற்றும் சரியான UPI ID (பணம் அனுப்ப வேண்டிய நபரின்) உள்ளிட்ட பரிவர்த்தனை விவரங்களை உள்ளிடவும்.

தேவையான ஆவணங்களை பதிவேற்றவும்: பரிவர்த்தனை ரசீது போன்ற ஆதார ஆவணங்களை பதிவேற்றவும்.///புகாரை சமர்ப்பிக்கவும்: மீதமுள்ள விவரங்களை பூர்த்தி செய்து, புகாரை சமர்ப்பிக்கவும்.

பொதுவாக, 24 மணி நேரத்திற்குள் உங்கள் புகார் பரிசீலிக்கப்பட்டு நடவடிக்கை எடுக்கப்படும். பணம் தவறாக அனுப்பப்பட்ட நபர், பணத்தை திரும்ப அனுப்ப ஒப்புக்கொண்டால், பணம் உங்கள் கணக்கிற்கு 24 மணி நேரத்திற்குள் திரும்ப கிடைக்கும்.

பணம் தவறாக அனுப்பப்பட்ட நபர், பணத்தை திரும்ப அனுப்ப மறுத்தால், உங்கள் வங்கி மூலம் சட்ட நடவடிக்கை எடுக்கலாம்.

ஜி பே-வில் பணம் அனுப்பும் போது, சரியான UPI ID யை உள்ளிடுவதை உறுதி செய்யவும்.

ஜி பே-வின் "Request Money" என்ற அம்சத்தை பயன்படுத்தி பணம் பெறவும், இதன் மூலம் பணம் அனுப்புபவர் தவறான UPI ID க்கு பணம் அனுப்புவதை தவிர்க்கலாம்.

கூகுள் நிறுவனம், ஜூன் 4 முதல் அமெரிக்கா உள்ளிட்ட சில நாடுகளில் ஜி பே சேவையை நிறுத்த திட்டமிட்டுள்ளது. இந்தியா, சிங்கப்பூர் போன்ற நாடுகளில் ஜி பே சேவை தொடர்ந்து இயங்கும்.