ஒரே நாளில் ரஜினிகாந்தின் இரண்டு அப்டேட்டுகள்..!

சூப்பர் ஸ்டார் ரஜினிகாந்த் நடித்த ’வேட்டையன்’ திரைப்படம் வரும் அக்டோபர் மாதம் வெளியாகும் என்று ஏற்கனவே அதிகாரப்பூர்வமாக அறிவிக்கப்பட்டு இருந்த நிலையில் தற்போது இந்த படத்தின் ரிலீஸ் தேதி குறித்த தகவல் கசிந்து உள்ளது.

சூப்பர் ஸ்டார் ரஜினிகாந்த் நடிப்பில், ஞானவேல் இயக்கத்தில், லைக்கா நிறுவனத்தின் தயாரிப்பில், அனிருத் இசையில் உருவாகி இருக்கும் திரைப்படம் ’வேட்டையன்’. இந்த படத்தின் படப்பிடிப்பு கடந்த சில மாதங்களுக்கு முன் முடிவடைந்த நிலையில் தற்போது இறுதிக்கட்ட தொழில்நுட்ப பணிகள் நடைபெற்று வருவதாகவும் அக்டோபர் மாதம் ரிலீஸ் என்று அறிவிக்கப்பட்டுள்ளதை அடுத்து இரவு பகலாக பணிகள் நடைபெற்று வருவதாகவும் கூறப்படுகிறது.

இந்த நிலையில் தற்போது வந்துள்ள தகவல்படி அக்டோபர் 10ஆம் தேதி சரஸ்வதி பூஜை, ஆயுத பூஜை விடுமுறை தினத்தின் போது ’வேட்டையன்’ படம் வெளியாக இருப்பதாக கூறப்படுகிறது. இந்த தகவல் ரஜினி ரசிகர்களுக்கு பெரும் மகிழ்ச்சியை ஏற்படுத்தி உள்ளங்களில் ரஜினிகாந்த் நடிக்க இருக்கும் அடுத்த திரைப்படமான ’கூலி’ திரைப்படத்தின் படப்பிடிப்பு ஜூன் 10ஆம் தேதி முதல் தொடங்க இருப்பதாகவும் தகவல் கசிந்துள்ளது.