மிகவும் அதிகமான வாக்காளர்கள் வாக்களித்த தேர்தல் களம் இன்று.

பிரான்சின் நாடாளுமன்றத்துக்கான தேர்தலில் இரண்டாவது சுற்று தற்போது நடைபெற்று வருகிறது. 577 ஆசனங்களை கொண்ட பிரான்ஸ் நாடாளுமன்றத்தின் ஏற்கனவே தெரிவு செய்யப்பட்ட 76 ஆசனங்களை தவிர்த்து மீதமுள்ள 501 ஆசனங்களுக்கான தேர்தலாக இந்த தேர்தல் அமைத்திருக்கிறது.

இன்று மதியம்வரை 26.63% சதவீதம் வாக்காளர்கள் தங்கள் வாக்குகளை பதிவு செய்துள்ளனர் கடந்த ஞாயிற்றுக்கிழமை முதலாவது சுற்றின் போது மதியம்வரை 25.90% வாக்காளர்களே தங்கள் வாக்குகளை பதிவு செய்திருந்தார்கள். 1981ம் ஆண்டிற்கு பின்னர் அதிக வாக்காளர்கள் பங்கு பெறும் தேர்தல் களமாக இது அமைந்திருக்கிறது.

அரசதலைவர் Emmanuel Macron அவர்கள் தனது துணைவியார் Brigitte Macron சகிதம் Pas-de-Calais உள்ள 'Touquet' பகுதியில் உள்ள வாக்குச்சாவடியில் வாக்களித்தார், அதேபோல் இன்றைய பிரதமர் Gabriel Attal அவர்கள் Hauts-de-Seine பகுதியிலும், முன்னாள் பிரதமர் Edouard Philippe அவர்கள் Havre பகுதியிலும் வாக்களித்துள்ளனர்.