வரவுசெலவுத்திட்டம் 2025 : பொதுப்பணித்துறைக்கான விடுமுறையில் மாற்றம்..!!

பொதுப்பணித்துறையில் பணிபுரிவோருக்கான ‘சுகயீன விடுமுறை’ தொடர்பில் பல்வேறு மாற்றங்களை இந்த 2025 ஆம் ஆண்டுக்கான வரவுசெலவுத்திட்டம் கொண்டுவருகிறது. அது தொடர்பான விவாதம் இன்று திங்கட்கிழமை மாலை ஆரம்பமாகும் பாராளுமன்ற அமர்வில் இடம்பெற உள்ளது. 

சுகயீன விடுமுறைக்காக இதுவரை 100% சதவீத ஊதியம் வழங்கப்பட்டு வந்த நிலையில், புதிய வரவுசெலவுத்திட்டத்தின் படி அது 90% சதவீதமாக குறைக்கப்பட உள்ளதாக அறிய முடிகிறது. இந்த 10% சதவீத குறைப்பினால் 900 மில்லியன் யூரோக்கள் சேமிக்க முடியும் என இந்த வரைவு தெரிவிக்கிறது. 

முதல் மூன்று மாதங்களுக்காக சுகயீன விடுமுறைக்கு 90% சதவீத ஊதியமும், அதற்கு பின்னரான விடுமுறைக்கு 50% சதவீதமான ஊதியமும் வழங்கப்பட இந்த வரவுசெலவுத்திட்டம் பரிந்துரை செய்கிறது.

இந்த திருத்தம் நடைமுறைக்கு வருமா என்பது பாராளுமன்ற விவாதம் மற்றும் வாக்கெடுப்பின் பின்னரே தெரியவரும்.