SNCF : ஒருநாள் வேலை நிறுத்தத்துக்கு அழைப்பு!

தொடருந்து ஊழியர்கள் ஒருநாள் வேலை நிறுத்தத்துக்கு அழைப்பு விடுத்துள்ளனர். இன்று நவம்பர் 5 ஆம் திகதி செவ்வாய்க்கிழமை தொடருந்து நிறுவனத்துக்கும் - தொழிற்சங்க தலைமைக்கும் இடையே இடம்பெற்ற பேச்சுவார்த்தை தோல்வியடைந்துள்ளதை அடுத்து இந்த வேலை நிறுத்தத்துக்கு அழைப்பு விடுக்கப்பட்டுள்ளது.

நவம்பர் 21 ஆம் திகதி வியாழக்கிழமை 24 மணிநேர வேலை நிறுத்தம் இடம்பெறும் என தெரிவிக்கப்பட்டுள்ளது. அன்று காலை 6 மணி முதல் மறுநாள் காலை 6 மணி வரை ஊழியர்கள் வேலை நிறுத்தத்தில் ஈடுபடுவார்கள் எனவும், போக்குவரத்து பாதிப்பு குறித்து பின்னர் அறிவிக்கப்படும் எனவும் தெரிவிக்கப்பட்டுள்ளது.

CGT-Cheminots, Unsa-Ferroviaire, Sud-Rail மற்றும் CFDT-Cheminots ஆகிய தொழிற்சங்கத்தைச் சேர்ந்த ஊழியர்களே இந்த வேலை நிறுத்தத்தில் ஈடுபட உள்ளனர். அன்றைய நாளில் ஆர்ப்பாட்டம் ஒன்றுக்கும் ஏற்பாடு செய்யப்பட்டுள்ளதாக அறிய முடிகிறது.