La Défense : Bouygues காட்சியறை ஆயுதமுனையில் கொள்ளை.. தொலைபேசிகளுடன் தப்பிய கொள்ளையர்கள்!

பிரபல தொலைத்தொடர்பு நிறுவனமான Bouygues இன் காட்சியறை ஒன்று இன்று நவம்பர் 24, ஞாயிற்றுக்கிழமை காலை கொள்ளையிடப்பட்டுள்ளது. விலையுயர்ந்த தொலைபேசிகளை திருடிக்கொண்டு கொள்ளையர்கள் தப்பிச் சென்றுள்ளனர்

வர்த்தக நகரமான La Défense (Hauts-de-Seine) இல் உள்ள வணிகவளாகம் ஒன்றிலுள்ள குறித்த காட்சியறையே கொள்ளையிடப்பட்டுள்ளது. காலை 10.30 மணி அளவில்
கைத்துப்பாக்கிகளுடன் உள் நுழைந்த இரு கொள்ளையர்கள், அங்கிருந்த ஊழியர்களை மிரட்டி காட்சியறைக்குள் விற்பனைக்கு வைக்கப்பட்டிருந்த புதிய iPhone தொலைபேசிகளை கொள்ளையிட்டுக்கொண்டு தப்பிச் சென்றுள்ளனர்.

40,000 யூரோக்கள் மதிப்புள்ள தொலைபேசிகளே திருடப்பட்டுள்ளதாக தெரிவிக்கப்படுகிறது.

காவல்துறையினர் விசாரணைகளை மேற்கொண்டுவருகின்றனர்.