Cergy-Pontoise : பேருந்து சாரதிகள் வேலை நிறுத்தம்! - இழப்பீடு வழங்க உறுதி!!

கடந்த 19 நாட்களாக Cergy-Pontoise மற்றும் Conflans-Sainte-Honorine (Val-d'Oise) நகரங்களில் இயங்கும் பேருந்து சாரதிகள் வேலை நிறுத்தத்தில் ஈடுபட்டு வருகின்றனர். 

இந்த தொடர் வேலை நிறுத்தத்தால் பல்லாயிரக்கணக்கான மக்கள் பாதிக்கப்பட்டுள்ளனர். இந்நிலையில், பாதிக்கப்பட்ட மக்களுக்கு 100% சதவீதம் இழப்பீடு  வழங்கப்படும் என்பதை இல் து பிரான்ஸ் பொது போக்குவரத்து சபை உறுதிசெய்துள்ளது. 

கடந்த நவம்பர் 7 ஆம் திகதி முதல் சாரதிகள் வேலை நிறுத்தத்தில் ஈடுபட்டு வருகின்றனர். கிட்டத்தட்ட் 80,000 பேர் இதனால் பாதிக்கப்பட்டுள்ளதாகவும், பல கட்டங்களில் இதுவரை சாரதிகளுடன் பேச்சுவார்த்தை இடம்பெற்றுள்ளதாகவும் தெரிவிக்கப்பட்டுள்ளது.