காலையில் எந்த பானம் குடிப்பது ஆரோக்கியத்திற்கு நல்லது?

ஒரு சிலர் சாப்பிட்ட உடனேயே டீ அல்லது காபி குடிக்கிறார்கள். இது மிகவும் தீங்கு விளைவிக்கும் என்று ஊட்டச்சத்து நிபுணர்கள் எச்சரிக்கின்றனர். உணவு சாப்பிட்ட உடனேயே டீ அல்லது காபி குடித்தால், உடலுக்குத் தேவையான சத்துக்களை உணவில் இருந்து உறிஞ்சுவதில் அது தடையாக இருக்கும். டீ மற்றும் காபியில் உள்ள பாலிஃபீனால்கள் மற்றும் டானின்கள் எனப்படும் கலவைகள் இதற்குக் காரணம் என்று ஊட்டச்சத்து நிபுணர்கள் கூறுகின்றனர்.

இது குறித்து ரகுநாத்பூர் பஸ்தியில் உள்ள அரசு ஆயுர்வேத மருத்துவமனையின் மருத்துவ அதிகாரி டாக்டர் சௌரப் BAMS, MS., கூறியதாவது, காலையில் வெறும் வயிற்றில் டீ அல்லது காபி குடிப்பதால் அசிடிட்டி மற்றும் வயிறு தொடர்பான பல நோய்கள் ஏற்படும். எனவே, காலையில் டீ, காபி போன்றவற்றைக் குடிப்பதற்குப் பதிலாக, ஆற்றலைத் தரக்கூடிய மற்றும் உடலை ஆரோக்கியமாக வைத்திருக்க உதவும் சில பானங்களை குடிப்பது நல்லது.

உங்கள் நாளை டீ மற்றும் காபியுடன் ஆரம்பிக்கக் கூடாது என்று டாக்டர் சௌரப் கூறியுள்ளார். ஏனெனில் அவை மிகவும் தீங்கு விளைவிக்கும். இன்றைய காலகட்டத்தில் வயிறு நோயாளிகள், இதய நோயாளிகள், சர்க்கரை நோயாளிகள் எண்ணிக்கை நாளுக்கு நாள் அதிகரித்து வருகிறது. மக்கள் அதிகாலையில் வெறும் வயிற்றில் டீ, காபி குடிப்பது தான் இதற்கு ஒரே காரணம்.

டீ மற்றும் காபி இல் டானின் மற்றும் காஃபின் போன்ற சில தீங்கு விளைவிக்கும் பொருட்கள் உள்ளன. அவை செரிமானத்தைக் கெடுக்கும் மற்றும் இதயத்தில் பாதிப்பை ஏற்படுத்தும்.

டீ குடிப்பதால் ஏற்படும் தீமைகளை மனதில் வைத்து, டீ-க்கு பதிலாக வேறு சில பானங்களை குடிக்க வேண்டும் என்று டாக்டர் சௌரப் கூறுகிறார். இவை உடலை ஆரோக்கியமாக வைக்கிறது. அதாவது, கிராம்பு, ஏலக்காய், இலவங்கப்பட்டை, அர்ஜுன் பட்டை, துளசி இலைகள், இஞ்சி, உலர்ந்த இஞ்சி, எலுமிச்சை புல், கருப்பு மிளகு ஆகியவற்றை பயன்படுத்தி கஷாயம் வைத்து குடிக்கலாம்.

இவை அனைத்தையும் ஒன்றாக கலந்து கஷாயம் செய்து குடிக்கலாம். இதில் இனிப்புக்காக தேவைக்கேற்ப வெல்லத்தையும் சேர்த்துக்கொள்ளலாம். இத்தகைய பானங்கள் உடலுக்கு புத்துணர்ச்சி தருவது மட்டுமின்றி பல்வேறு நோய்களில் இருந்தும் நம்மை பாதுகாக்கிறது. இப்போது உங்கள் காலையை டீ-காபியுடன் அல்ல.. இந்த ஆரோக்கியமான பானங்களுடன் தொடங்குங்கள். இது உங்கள் நாளை ஆரோக்கியமாகவும், சுறுசுறுப்பாகவும் இருக்க வைக்கிறது.