உலகின் சக்திவாய்ந்த நாடுகள் - டாப் 10 பட்டியல்

உலகின் முதல் 10 சக்திவாய்ந்த நாடுகள் குறித்து இங்கே பார்க்கலாம்.
உலகின் மிகவும் சக்திவாய்ந்த நாடுகளை அடையாளம் காணும் Great Powers Index 2024, பொருளாதார வளம், இராணுவ சக்தி, தொழில்நுட்ப புதுமைகள் மற்றும் உலக நாணய நிலை போன்ற அம்சங்களை அடிப்படையாகக் கொண்டு முன்னணி 24 நாடுகளை மதிப்பீடு செய்துள்ளது.
இந்த பட்டியலில் அமெரிக்கா முதலிடத்திலும், சீனா இரண்டாவது இடத்திலும் உள்ளது. ஒவ்வொரு நாட்டின் தற்போதைய நிலை மற்றும் எதிர்கால வளர்ச்சி வாய்ப்புகளும் இதில் குறிப்பிடப்பட்டுள்ளன.

1.    அமெரிக்கா (USA)
சக்தி மதிப்பீடு: 0.89
தனிநபர் வருமான மதிப்பீடு: 0.79
எதிர்கால வளர்ச்சி மதிப்பீடு: 1.4%
உலகின் முதன்மை அதிபதி என்ற இடத்தை தக்கவைத்துள்ள அமெரிக்கா, வலுவான முதலீட்டு சந்தைகள், மிகப்பாரிய இராணுவம், மற்றும் அமெரிக்க டொலரின் உலகளாவிய மதிப்பு ஆகியவற்றால் முன்னணியில் உள்ளது.

2. சீனா (China)
சக்தி மதிப்பீடு: 0.80
தனிநபர் வருமான மதிப்பீடு: 0.30
எதிர்கால வளர்ச்சி மதிப்பீடு: 4.0%
மிக வேகமாக வளர்ந்து வரும் நாடாக இருக்கும் சீனா, கட்டுமானம், கல்வி, தொழில்நுட்பம் ஆகிய துறைகளில் முன்னணி நிலையை பெற்றுள்ளது. இருப்பினும் கடன் சுமை அதிகரிப்பது முக்கிய சவாலாக இருக்கிறது.

3. யூரோஜோன் (Eurozone)
சக்தி மதிப்பீடு: 0.56
தனிநபர் வருமான மதிப்பீடு: 0.43
எதிர்கால வளர்ச்சி மதிப்பீடு: 0.2%
ஐரோப்பிய ஒன்றிய (European Union) நாடுகள் வலுவான நிதி நிலை மற்றும் உலக வர்த்தகத்தில் முக்கிய பங்காளிகள் என்ற வகையில் கணிக்கப்பட்டுள்ளன. ஆனால், உயர் தொழிலாளர் செலவுகள் மற்றும் இயற்கை வளங்கள் பற்றாக்குறை பாதிப்பை ஏற்படுத்துகின்றன.

4. ஜேர்மனி (Germany)
சக்தி மதிப்பீடு: 0.38
தனிநபர் வருமான மதிப்பீடு: 0.54
எதிர்கால வளர்ச்சி மதிப்பீடு: 0.5%
தொழிலாளர் திறன், பொருளாதார மேலாண்மை மற்றும் சிறந்த மருத்துவ வசதி ஆகியவை ஜேர்மனியின் பலமான அம்சங்கள். ஆனால் மனிதவளக் குறைவு மற்றும் இயற்கை வளங்களின் பற்றாக்குறை சவாலாக உள்ளது.

5. ஜப்பான் (Japan)
சக்தி மதிப்பீடு: 0.33
தனிநபர் வருமான மதிப்பீடு: 0.40
எதிர்கால வளர்ச்சி மதிப்பீடு: 1.2%
நாணய நிலை, தொழிலாளர் திறன் ஆகியவற்றில் ஜப்பான் வலுவாக இருந்தாலும், மக்கள் வயதானவர்களாக மாறுவது மற்றும் இயற்கை வளங்களின் குறைவு ஒரு முக்கிய சவாலாக உள்ளது.

6. தென் கொரியா (South Korea)
சக்தி மதிப்பீடு: 0.32
தனிநபர் வருமான மதிப்பீடு: 0.54
எதிர்கால வளர்ச்சி மதிப்பீடு: 1.9%
தொழில்நுட்பம் மற்றும் புதுமை உருவாக்கத்தில் முன்னணி நாடு என்ற வகையில் தென் கொரியா மதிப்பீடு செய்யப்பட்டுள்ளது. ஆனால் மக்கள்தொகை குறைவடைதல் ஒரு முக்கிய பிரச்சினையாக உள்ளது.

7. இந்தியா (India)
சக்தி மதிப்பீடு: 0.30
தனிநபர் வருமான மதிப்பீடு: 0.07
எதிர்கால வளர்ச்சி மதிப்பீடு: 6.3%
இந்தியாவின் நிலைபெற்ற பொருளாதாரம், குறைந்த செலவில் தொழிலாளர் ஆகியவை பலம். ஆனால் ஊழல், பெரும் வருவாய் வேறுபாடு போன்றவை முக்கியமான சவால்கள்.

8. பிரித்தானியா (UK)
சக்தி மதிப்பீடு: 0.29
தனிநபர் வருமான மதிப்பீடு: 0.46
எதிர்கால வளர்ச்சி மதிப்பீடு: 1.3%
வலுவான சட்ட அமைப்பு, மக்களிடையே மகிழ்ச்சியான வாழ்க்கை ஆகியவை பலம். ஆனால் நிதி பிரச்சினைகள் மற்றும் போதுமான முதலீடுகள் இல்லாதவாறு இருப்பது குறைபாடாகும்.

9. பிரான்ஸ் (France)
சக்தி மதிப்பீடு: 0.27
தனிநபர் வருமான மதிப்பீடு: 0.45
எதிர்கால வளர்ச்சி மதிப்பீடு: 0.9%
சிறந்த மருத்துவ வசதி, சமூக நலத்திட்டங்கள் ஆகியவை பிரான்ஸின் பலம். ஆனால் உயர் கடன் நிலை மற்றும் தொழிலாளர் செயல்திறன் குறைவு சவாலாக உள்ளது.

10. ரஷ்யா (Russia)
சக்தி மதிப்பீடு: 0.26
தனிநபர் வருமான மதிப்பீடு: 0.28
எதிர்கால வளர்ச்சி மதிப்பீடு: 2.9%
பெரும் இயற்கை வளங்கள் மற்றும் வலுவான இராணுவம் ஆகியவை ரஷ்யாவின் பலம். ஆனால் உள்நாட்டு கலவரங்கள், ஊழல், பொருளாதார தடைகள் போன்றவை முன்னேற்றத்திற்கு தடையாக உள்ளன.

அமெரிக்கா மற்றும் சீனா உலகின் முன்னணி நாடுகளாகத் திகழ்கின்றன. இந்தியா மிக வேகமாக வளர்ந்துகொண்டிருக்கும் நாடாக காணப்படுகிறது. ஏனைய நாடுகள் சில சவால்களை சந்தித்தாலும், தொழில்நுட்பம் மற்றும் பொருளாதார வளர்ச்சியில் தங்களது தாக்கத்தைத் தொடரும் நிலை காணப்படுகிறது.