பயங்கரவாதத்திற்கு அதரவு - மாநகசபை உறுப்பினரிற்குத் தண்டனை!

2025 ஜூலை 3ஆம் தேதி, பாரிஸ் குற்றவியல் நீதிமன்றத்தில், தூப் (Doubs) பகுதியைச் சேர்ந்த மாநகர சபை உறுப்பினர் இஸ்மாயேல் புத்த்ஜெகாதா (Ismaël Boudjekada) மீது தீவிரவாதத்திற்கு ஆதரவு தெரிவித்ததற்கான வழக்கு விசாரணைக்கு வந்தது.

முன்னாள் ஹமாஸ் தலைவரான யாஹ்யா சினுவார் (Yahya Sinouar)  மீது இஸ்ரேல் படை நடத்திய தாக்குதலில் அவர் கொல்லப்பட்டதைத் தொடர்ந்து, புத்த்ஜெகாதா தனது சமூக வலைதளமான ஓ-ல்  'ஒரு ஹீரோ இறந்துவிட்டார். இந்த மர்தீர் நம்மைவிட மிகப்பெரிய அதிர்ஷ்டசாலி' எனக் குறிப்பிட்டிருந்தார்.

இந்நிகழ்வுக்கு எதிர்வினையாக, Doubs 3வது தொகுதியின் நாடாளுமன்ற உறுப்பினர் மத்தியூ ப்ளோச் (Matthieu Bloch) தனது கடமையின் பேரில் இந்த பதிவுகள் குற்றவியல் மற்றும் பயங்கரவாத ஆதரவை ஏற்படுத்தும் வகையில் இருப்பதாக நீதிமன்றத்தில் புகார் அளித்தார்.

கடந்த குற்றச்சாட்டுகள்

இது முதல் தடவையாக இஸ்மாயேல் புத்த்ஜெகாதா இவ்வாறான குற்றச்சாட்டுக்கு ஆளாகுபவர் அல்ல.
2024 ஜூன் 21: நாந்தேர் (Nanterre) நீதிமன்றம், அவரை தீவிரவாதத்தை ஆதரித்த குற்றத்திற்காக ஏற்கனவே குற்றவாளியாக அறிவித்திருந்தது.

2024 நவம்பர்: அம்ஸ்டர்டாமில் நடந்த ஒரு நிகழ்வுக்குப் பின்னர், அவர், இஸ்ரேலிய ரசிகர்களைச் வீதியில் வைத்துத் தாக்கியவர்களை புகழ்ந்து, 'நானும் அங்கே இருந்திருந்தால் கொஞ்சம் ஓட வைத்திருப்பேன்' என பதிவிட்டிருந்தார். மேலும், 'பிரான்ஸ் சியோனிச வலைக்குள் சிக்கிக்கொண்டிருக்கிறது' என, இஸ்ரேலை எதிர்க்கும் கருத்துக்களும் முன்வைத்தார்.

2025 மே 3 அன்று அவர் சவூதி அரேபியாவில் இருந்து திரும்பியபோது Mouhous விமான நிலையத்தில் கைது செய்யப்பட்டார்.

2025 மே 5 பாரிஸ் நீதிமன்றத்தில் வழக்குப்பதிவு செய்யப்பட்டு, தற்காலிக காவலில் வைக்கப்பட்டார்.

தற்போது அவர் மீது 'அதிகாரபூர்வமாக தீவிரவாதத்திற்கு ஆதரவு' என்ற குற்றம் சுமத்தப்பட்டுள்ளது.

புத்த்ஜெகாதாவின் இந்தப் பதவிகளும், சமூக வலைதளங்களில் பகிர்ந்த கருத்துக்களும், 7-அக்டோபர் ஹமாஸ் தாக்குதலின் பயங்கரவாத நிலையை மறுக்கின்றன என்றும், அவர் ஜனநாயக நிலைத்தன்மைக்கு எதிரான நோக்கங்கள் கொண்டவர் என்றும் விமர்சனங்கள் எழுந்துள்ளன.