செய்திகள் 
பிரான்ஸ்
இலங்கை
இந்தியா
உலகம்
சினிமா
மருத்துவம்
சமூகம்
சமையல்
கட்டுரைகள்
விளையாட்டு
நகைச்சுவை
கவிதைகள்
பொதறிவு
வாங்க - விற்க | வேலை 
நாணய மாற்று
விளம்பரம் செய்ய
விலை மகள்...!!!
11 பங்குனி 2018 ஞாயிறு 09:37 | பார்வைகள் : 14317
Architecte- plan divers Je propose mes services pour
ஏதோவொரு பிரிவு
எனை ஆட்கொண்டு
வெளியே தள்ளி தாழிட்டது
அப்போது
எங்கிருந்தோ நீண்டு வந்த
கரங்கள் இரண்டு
எனை தூக்கி ஆறுதலளித்தது
அப்பா என்றோ
அண்ணன் என்றோ
அழைக்கக்கூடாதென
ரகஸிய கட்டளையிட்டது
பிறகுதான்
என் மூளைக்கு எட்டியது
அது ஒரு
பெண் வாசனைப் பிடித்தலையும்
ரத்தம் குடிக்கும் காட்டேரி என்று
என் பருவ வீட்டினை
இடித்துள்ளே புகுந்த
மதயானையும் அதுதாம்
பிறகு
இந்த வெள்ளை நிறமும்
உதட்டுச் சிவப்பும்
நிமிர்ந்த கொங்கையும்
முகவடிவுமே
எனக்கு துரோகிகள்
வளைந்து கொடுக்க முடியாது
முறிந்து கொடுக்கவும் முடியாது
திமிறிய கணங்களில்
ஒவ்வொன்றாய் வந்த
வெறி நாய்கள்
என்னை சுவைத்து ஏப்பமிட்டன
அட போங்கடா
ஒரு நாளில்
எத்தனை பேருடன்
வியர்வை நாற்றம் நுகர்ந்து
ஈடுகொடுக்க முடியும்
இல்லை
என்னுறுப்பு ரப்பரால் செய்யப்பட்டதா?
முகம் தெரியாதவன்
மொழி தெரியாதவனிடமிருந்தெல்லாம்
எப்படி நான் மீள்வது
ஒவ்வொருவனின் வர்ணனைக்கும்
ஒவ்வொருவனின் ரசனைக்கும்
உடன்படவில்லையெனில்
காயங்களும் கீறல்களுமே எஞ்சும்
ஒரு தலைவலிக்கு
மாத்திரைகள் இல்லை
மாதவிலக்கிற்கும்
நாப்கின்கள் இல்லை
அப்படி என்னடா
பெண் சுகம் கண்டு விட்டீர்கள்
தேவடியா பயல்களா
இல்லை நான்
விட்டு விடுங்களென்றால்
விட்டு விடவா போகிறீர்கள்?
என் தூக்கம் கனவு ஆசை அனைத்தையும்
காசாக்கிவிட்டீர்களே
என் மகிழ்ச்சி கோபம் சிரிப்பு
யாவையுமே
வடிகட்டி குடித்துவிட்டீர்களே
இனி எனக்கிருப்பது
வெறும் எலும்புக்கூடும் தோலும்தானே
அல்லது
என் வாழ்க்கை
யாரோ ஒரு முகம் தெரியாதவனிடமிருந்து
கிடைக்குமா?
7 நாள்கள் முன்னர்
மரண அறிவித்தல்
RAJADURAI
FRANCE (SARCELLES ), BROWN ROAD KALATDI
வயது : 44
இறப்பு : 14 Aug 2025
-
1
Annonces
Bons Plans
Annuaire
Scan