சோயா சாஸ் எப்படித் தயாரிக்கப்படுகிறது என தெரியுமா?

16 ஆனி 2019 ஞாயிறு 07:26 | பார்வைகள் : 2994

Villeneuve Saint Georges இல் அல்லது அதற்கு அன்மையில்,

ஆசிய உணவு வகைகளில் சோயா சாஸ் பெரிய இடத்தை வகிக்கிறது. உணவில் சுவையையோ நிறத்தையோ கூட்டுவதற்கு இது, சமையலில் பயன்படுத்தப்படுகிறது.

போத்தல்களில் தயாராகக் கிடைக்கும் சோயா சாஸ் எப்படித் தயாரிக்கப்படுகிறது?

தெரிந்துகொண்டால் ஆச்சர்யப்படுவீர்கள் !

- சோயா மொச்சை, கோதுமை, உப்பு-இவை சாஸின் மூலப்பொருள்கள்

- பொறுக்கி எடுக்கப்பட்ட சோயா மொச்சையும் கோதுமையும் நன்கு அரைக்கப்பட்டுக் கலக்கப்படுகின்றன. அந்தக் கலவை தண்ணீர் சேர்த்துக் கொதிக்கவிடப்படுகிறது.

- பின்னர் அந்தக் கலவை 27 டிகிரி செல்ஸியஸுக்குக் குளிர்விக்கப்படுகிறது. கலவை, பதமான நிலைக்கு வந்ததும் அதில் ஒருவகைப் பூஞ்சனம் கலக்கப்படுகிறது.

- மூன்று நாள்களுக்குக் கலவை, துளையுள்ள கலன்களில் நொதிக்க வைக்கப்படுகிறது. இதுவே சோயா சாஸுக்கு நிறத்தைத் தருகிறது.

- கோஜி எனப்படும் இந்தக் கலவையுடன், தண்ணீர், உப்பு, ஈஸ்ட், Lactic acid-ஆகியவை சேர்க்கப்படுகின்றன. கலவை மீண்டும் 6 மாதங்களுக்கு நொதிக்க வைக்கப்படுகிறது.

- ஆறு மாதங்களுக்குப் பின் அந்தக் கலவை வடிகட்டப்படும். அதில் கிடைக்கும் சக்கையிலிருந்து சோயா சாஸ் பிரிக்கப்பட்டுக் கொதிக்கவைக்கப்படும். பின்னர் அது போத்தல்களில் அடைக்கப்படுகிறது.

- பாரம்பரிய சோயா சாஸ் தயாரிப்பு முறை நிறைவுபெற சுமார் மூவாண்டுகள் வரை பிடிக்கும். நவீன இயந்திரங்களின் உதவியால், அந்த நேரம் வெகுவாகக் குறைந்துள்ளது.