தாயை வெட்டிக்கொன்ற மகன் ஒருவனை பரிஸ் காவல்துறையினர் கைது செய்துள்ளனர்.

பரிஸ் 17 ஆம் வட்டாரத்தில் இச்சம்பவம் நேற்று ஜனவரி 13 ஆம் திகதி வியாழக்கிழமை இடம்பெற்றுள்ளது. இங்கு rue de la Crèche வீதியில் வசிக்கும் குடும்பம் ஒன்றில், 20 வயதுடைய மகனுக்கும் அவரது 57 வயதுடைய தாயிற்கும் வாக்குவாதம் எழுந்துள்ளது. வாக்குவாதத்தின் முடிவில், குறித்த மகன் அவனது தாயாரினை கத்தியால் தாக்கியுள்ளான்.

தாயாரின் கழுத்து கத்தியால் வெட்டப்பட்டதில், அவர் சம்பவ இடத்திலேயே கொல்லப்பட்டுள்ளார்.

இன்று வெள்ளிக்கிழமை காலை காவல்துறையினருக்கு கிடைத்த தகவலை அடுத்து, அவர்கள் சம்பவ இடத்துக்கு விரைந்து சென்றனர்.

தாக்குதல் நடத்தப்பட்ட வீட்டின் சுவர்களில் எல்லாம் இரத்த தெறித்து மிக கொடூரமாக காட்சியளித்துள்ளது. தாக்குதல் நடத்திய மகன் உடனடியாக கைது செய்யப்பட்டுள்ளான்.

விசாரணைகள் இடம்பெற்று வருகின்றது.