Paris 24 ஒலிம்பிக் போட்டிகளுக்கான நுழைவுச்சீட்டுக்கள் வாங்கும் கடைசி சந்தர்ப்பம் நவம்பர் 30.

அடுத்த ஆண்டு பிரான்சில் நடைபெறவுள்ள 'paris 24' ஒலிம்பிக் போட்டிகளுக்கான நுழைவுச்சீட்டுக்கள் பல கட்டமாக விற்பனை செய்யப்பட்டு வருகிறது. அதன் கடைசிக் கட்டமான விற்பனை வரும் நவம்பர் மாதம் 30ம் திகதி காலை 10:00 மணிக்கு 'paris24' உத்தியோகபூர்வ இணையத்தளத்தில் விற்பனையாகும்.  

நிறைவான விற்பனைக்கு வரும் 400,000 நுழைவுச்சீட்டுக்கள், அனைத்து நிகழ்வுகளின் அமர்வுகளுக்குமானது என :Paris 24' ஏற்பாட்டுக் குழுவின் துணைத் தலைவர் Michaël Aloïsio தெரிவித்துள்ளார்.

மேலும் 400,000 நுழைவுச்சீட்டுகளில் 70,000 சீட்டுகள் 24€ யூரோக்கள் என தெரியவருகிறது. மொத்தமாக உள்ள 10 மில்லியன் நுழைவுச்சீட்டுகளில் 7.3 மில்லியன் சீட்டுகள் ஏற்கெனவே விற்கப்பட்டுள்ளது.