பிரதமர் மோடியின் வாழ்க்கை வரலாறு திரைப்படத்தில் தமிழ் நடிகர்..

பாலிவுட்டில் பிரமாண்டமாக பிரதமர் மோடியின் வாழ்க்கை வரலாறு திரைப்படம் தயாரிக்கப்பட உள்ள நிலையில் இந்த படத்தில் மோடி கேரக்டரில் நடிக்க தமிழ் நடிகர் ஒருவர் ஒப்புக்கொண்டது பெரும் ஆச்சரியத்தை அளித்துள்ளது. திராவிட கொள்கைகளிலும் பகுத்தறிவு கொள்கைகளிலும் ஈடுபாடு கொண்ட அந்த நடிகர் எப்படி மோடி கேரக்டரில் நடிக்க ஒப்புக்கொண்டார் என்று கோலிவுட் திரையுலகினர் ஆச்சரியமாக பார்த்து வருகின்றனர்.

முன்னாள் குஜராத் முதல்வரான மோடி கடந்த 2014 ஆம் ஆண்டு பாராளுமன்ற தேர்தலில் வெற்றி பெற்று பிரதமர் ஆனார் என்பதும் 10 வருடங்கள் தொடர்ச்சியாக பிரதமராக இருக்கும் அவர் தற்போது நடைபெற்றுக் கொண்டிருக்கும் தேர்தலிலும் வெற்றி பெற்று மூன்றாவது முறையாக பிரதமர் ஆவார் என்றும் எதிர்பார்க்கப்படுகிறது.

இந்த நிலையில் முன்னாள் பிரதமர் இந்திரா காந்தி, முன்னாள் முதல்வர் ஜெயலலிதா உள்பட பல அரசியல் தலைவர்களின் வாழ்க்கை வரலாறு திரைப்படங்கள் உருவாகிய நிலையில் தற்போது பிரதமர் மோடியின் வாழ்க்கை வரலாறு திரைப்படத்தை உருவாக்க பாலிவுட்டின் முன்னணி தயாரிப்பு நிறுவனம் திட்டமிட்டுள்ளது.

இந்த படத்தில் பிரதமர் மோடி கேரக்டரில் நடிக்க நடிகர் சத்யராஜ் ஒப்பந்தம் செய்யப்பட்டு உள்ளதாகவும் விரைவில் இது குறித்து அதிகாரப்பூர்வ அறிவிப்பு வெளியாகும் என்றும் கூறப்படுகிறது. ராமர் கோவில் உள்பட இந்துத்துவத்தில் தீவிரமாக இருக்கும் பிரதமர் மோடியின் வாழ்க்கை வரலாறு திரைப்படத்தில், பகுத்தறிவு கொள்கை கொண்ட திராவிட இயக்கத்தில் ஆர்வம் காட்டும் சத்யராஜ் எப்படி நடிக்க ஒப்புக்கொண்டார் என்ற கேள்வியை கோலிவுட் திரையுலகினர் பலர் கேட்டு வருகின்றனர்.