ஆசிய நாடுகளை புரட்டிய  சக்திவாய்ந்த புயல் - 21க்கும் மேற்பட்டோர் பலி

ஆசிய நாடுகளாகிய வியட்நாம், பிலிப்பைன்ஸ் மற்றும் சீனாவின் சில பகுதிகளில்  புயல் யாகி(Yagi),  தாக்கி பேரழிவை ஏற்படுத்தியுள்ளது.

வியட்நாம், புயல் யாகியின் தாக்கத்தை மிகவும் பெரிதாக எதிர்கொண்டது, இதில் குறைந்தது 21 பேர் உயிரிழந்ததோடு, நூற்றுக்கணக்கானோர் காயமடைந்தனர்.

வடக்கு மாகாணமான ஹோவா பினில், கனமழையால் ஏற்பட்ட நிலச்சரிவு ஒரு குடும்பத்தின் நான்கு பேரையும் மண்ணில் புதைத்தது.

அதைப்போல ஹோவாங் லியன் சன் மலைப்பகுதியிலும் நிலச்சரிவு ஏற்பட்டது, இதில் குழந்தை உட்பட ஆறு பேர் உயிரிழந்தனர்.

வியட்நாமின் தலைநகரான ஹனாயில் புயல் மின்சாரம் மற்றும் தொலைத்தொடர்பு சேவைகளை பாதித்தது மற்றும் பரவலான வெள்ளத்தை ஏற்படுத்தியுள்ளது.


கடலோர நகரமான ஹாய்ஃபாங்-இல் உள்ள தொழில்துறை பூங்காக்கள் சேதத்தின் காரணமாக மூடப்பட்டுள்ளது, அத்துடன் இது பல பன்னாட்டு நிறுவனங்களின் செயல்பாடுகளை பாதித்துள்ளது.

புயலால் பாதிக்கப்பட்ட முதல் நாடான பிலிப்பைன்ஸில், 20 பேர் வரை உயிரிழந்துள்ளனர்.