இந்த குளிர் நிலை தற்காலிகமானது, மீண்டும் பருவநிலை மாறும்

வழமைக்கு மாறாக இலையுதிர்காலத்துக்கு முந்திய கடும் குளிர் பருவம் ஒன்றை நாடு எதிர்கொண்டுள்ளது. பல பகுதிகளில் மழையும், பனியும் பதிவாகியுள்ளது, இவையனைத்தும் தற்காலிகமான நிலை. மீண்டும் வழமையான பருவநிலை மாற்றம் என Météo-France அதன் அறிக்கையில் தெரிவித்திருக்கிறது.

பெரும் துருவக் கடற் குளிர் காற்று 'air plus frais d’origine polaire maritime' நாடெங்கும் பரந்து வீசுவதே தற்போதைய வெப்பநிலை வீழ்ச்சிக்குக் காரணம் என வானிலை அவதான நிலையம் Météo-France அறிவித்துள்ளது.

நாட்டின் தென் கிழக்குப் பகுதிகளில் மட்டுமே இந்த துருவக் கடற் குளிர் காற்று தாக்காத நிலையில் அந்த பகுதிகளில் மட்டும் 20°C வெப்பநிலை காணப்படுகிறது. இந்த நிலை வரும் சனிக்கிழமை மட்டுமே நீடிக்கும் எனவும் அதன் பின்னர் நாடு வழமையான பருவநிலைக்கு செல்லும் எனவும் வானிலை அவதான நிலையம் 'Météo-France' தெரிவித்துள்ளது.